Ang Authentic Eskrima Association gitukod adtong tuig 1999, aron
mapaila sa tibuok kalibutan ang Pangamot sa mga Pilipino.
Ang German Eskrima Association, nga gitukod sa Berlin Alemanya, adtong tuig
1992, maoy gigikanan sa Authentic Eskrima Assciation.
Ang pagtudlo og Eskrima sa Authentic Eskrima Association, paagi sa gamay
nga grupo, aron masiguro nga maayo og insakto ang pagtuon og Eskrima sa
mga interesado og sa mga membro. Ang idad sa mga membro kinahanglan dili
ubos sa 16-anyos. Ang Authentic Eskrima Association maoy mobantay sa tanang
Grupo, aron masiguro nga maayo og insakto ang pagtuon sa Eskrima. Ang Authentic
Eskrima Association naay paagi kung unsaon pagtudlo og pagtuon sa Eskrima.
Kini nga paagi maoy sundon sa tanang mga membro sa AEA, og pinakaimportante
ang pag-ila og pagsubay sa kinaiya, og tinun-anan sa kadausa sa mga membro.
Sa tanang grupo sa Authentic Eskrima Association, giulohan ni Uwe Schwarz,
isugurado niya nga ang kada-usa, dinha ra magtuon og Eskrima sa kwalipikado
og kasaligan nga maistro.
Sa Authentic Eskrima Association, ginatudlo ang pagsabot sa away. Importante
nga masabtan ang paagi sa Pangamot, mao nga ginatudlo sa AEA ang kaagi og
gigikanan sa Eskrima. Kinahanglan masabtan ang prinsipyo sa Pangamot nga
naay Pinuti, og wala (Sumbagay). Busa kinahanglan nga masabtan ang kaagi
sa Pilipinas og ang lisud nga panginabuhi sa mga Pilipino.
Tungod kay ang Away o Sumbagay, dili lang madaog sa Kusog, og sa Lihok sa
Tawo, ginatun-an pod ang bahin sa batasan og kinaiya sa tawo.
Ang pagtuon og Eskrima kaniadto, wala gakinahanglan og unipormi. Labi na
sa mga pubre nga bisan sa ilang pagkaon walay ipalit. Ang mga Pilipino gasul-ob
lang sa ilang daan nga mga sanina kung magtuon sila sa Pangamot. Mao nga
ang tanang membro sa Authentic Eskrima Association walay unipormi, gawas
sa t-shirt nga naay printa sa AEA.
Ang Authentic Eskrima Association gi-ila sa Doce Pares Eskrima Club sa Cebu
City Pilipinas, gitukod atong tuig 1932, nga usa ka Organisasyon sa Europa
nga kwalipikado nga magtudlo og Eskrima.
Magtuon og Eskrima sa mga kwalipikado nga Meistro
Ang maayo nga paagi sa pagtudlo og Eskrima sa AEA, maoy hinungdan
nga kadto ra nga mga tawo, nga maayo sa Eskrima ang pweding magtudlo. Ang
tanan membro gasubay sa usa ka paagi sa pagtuon og pagtudlo og eskrima sa
Authentic Eskrima Association.
Og kining tanan gabantayan ni Uwe Schwarz.
Si Uwe Schwarz ang gaulo sa Authentic Eskrima Association, og ilado nga
tigtudlo og Eskrima.
Sie Uwe Schwarz nagtu-on og Eskrima sa Pilipinas, sa Estados Unidos, og
sa Europa. Dugay siyang nagpuyo sa Cebu City og tinudlu-an ni Ciriaco Cacoy
Canete.
Adtong tuig 1999 nakadawat sie Uwe Schwarz og diploma gikan ni Gov. Alfredo
Garcia, Gobernor sa Cebu, tungod sa iyang maayong trabaho sa pagsangyaw
sa Eskrima.
Gikan sa iyang kaugalingon nga kaagi, sa pagtuon og Eskrima, gibuhat ni
Uwe Schwarz ang paagi sa pagtuon og pagtudlo og eskrima, nga maoy gisunod
sukad sa tuig 1992 sa German Eskrima Association, og gisunod sa Authentic
Eskrima Association sukad sa tuig 1999.
Ang iyang subra sa 15-katuig nga kaagi sa pangamot, nagatudlo sie Uwe Schwarz
sukad sa tuig 1990 og Eskrima, og maoy tigtudlo sa German Eskrima Associaton,
og sa Doce Pares Eskrima Club Berlin.
Ang Eskrima, og ang paagi sa pagtuon og pagtudlo og Eskrima sa Authentic
Eskrima Association, gipaila ni Uwe Schwarz, sa Denmark, Italia, Poland
og Hungary.
